南丫島之旅2010

晴天PigPig @ 3歲1個月 (37個月大)

呢個地方係咪好似似曾相識呢？係呀，呢個就係南丫島的天后廟，我細細個嘅時候就來過一次。

今次去係復活節假 + 兒童節 + 婆婆生日!

婆婆仲笑得甜過我手上舊芒果乾

一到埗，第一件事就係去醫肚

啲海鮮真係好好味o架

細佬就有得睇，冇得食，口水長流

我同媽媽就又飲又食

食完就開埗去榕樹灣，第一個景點就係天后廟 ... ...

細佬就可以拖住扮行

跟住其實大部份時間，佢都係坐車仔行山。冇計啦，佢咁有份量，又未識自己行，點抱呢？

不過呢，雖然佢坐車仔，爸爸都可能話你知唔係想像中咁易... ...

原來上山啲路都好斜

唔講你唔知，我就大部份時間都自己行，上斜之嘛，好易啫！

上到半山，可以望番剛才食飯嘅地方

點解細佬肯坐車仔咁緊要？睇睇下面兩張相 ... ...

佢本身就好興奮，很好奇，不斷個頭係咁週圍轉，卒之，唔知係咪太留心地上的螞蟻，行行吓睇睇吓就瞓著咗！爸爸媽媽笑佢好似巴士或公園坐坐吓就瞓著啲公公伯伯。

唔知大家有冇細心留意到呢？

瞓到流口水呀！

細佬瞓咗，我哋行到咁上下都休息吓，食吓雪條。

孖條喎！

食雪條的地方就係"閣下在此"之地

跟住就一路落山，去到 ... ...

洪聖爺灣

細佬，影相就望吓鏡頭啦！

本來40分鐘的路程，我哋行咗兩個鐘，行到我都腳仔攰，好彩有媽媽咩我啫！

玩完個個都攰到不得了

除咗我之外, 呵呵!

言言豬 *.* 河馬王
2010-05-10 12:26
hahaha.... 你一家人真好體力呀﹗
俾我要帶一個大、大個細一齊行山，我行完一定要睏返兩日呀﹗
晴天 Pig Pig
2010-05-14 02:28

未算，第二日仲有節目呀！