包利是

晴天PigPig @ 3歲11個月 (47個月大)

農曆新年就快到了，到處都喜氣洋洋。新年的活動，除了到處拜年，睇裝飾之外，係屋企都有一個好重要的活動。

就係包利是了！

嘩，成枱都係利是封同錢呀

我幫手包得非常認真

有時都要爸爸幫吓手

雖然有咁多，其實我都可以做得到

完成之後開心都好似個利是封隻豬仔咁！

~~ 祝大家新年愉快，日日笑口常開 ~~

小護士

晴天PigPig @ 3歲11個月 (47個月大)

天氣凍咗都成個月，真係稍一不慎都會病。連電視新聞都話係流感高峰期，真係要小心小心再小心！

眾多病人，細佬都係其中一個。唔好睇佢肥施大隻，病起上來真係漏晒氣 ... ...

病到塊面仔都紅噹噹，冇晒心機

睇完醫生都會有一大堆藥要食。藥的味度當然唔好，所以媽媽會溝落啲奶奶度俾佢飲。而我有時都會幫手喂。

細佬，食藥快啲好o架

要氹佢飲藥，有時真係歌仔都唱埋 ... ...

我呢個小護士都算稱職啩

嗰句歌仔係我自己睇完Noddy改番來唱o架，係咪好得意呢？

不過佢真係唔食，我都冇佢符

祝大家身體健康，唔駛見醫生！

八達通

晴天PigPig @ 3歲10個月 (46個月大)

新年啦，祝大家新年進步！咁多年來，今年最令我期待，因為爸爸媽媽一早答應我，到新年我就可以擁有我自己嘅八達通啦！

哈，我夠高要買飛啦～

每次搭去地鐵，我都係捐過個閘，或者黐實媽媽急步走過啲闊閘機。我真係好期待可以自己用飛入閘。所以 ... ...

我次次都走來度吓夠高未o架

佢哋次次都話我差啲啲

點解噚日都未夠高，今日又會高咗呢？

哈，都係唔好理咁多，總之從現在開始，我不論搭地鐵，搭車，搭船，都可以用自己嘅八達通啦！

呢個粉紅色嘅兒童八達好襯我

興奮中 ... ...

大成功！

細佬未夠年紀用，攞住兩份禮物先啦～o～